Tuniniaasunngorusuppunga

Wildfood-imi tuniniaasunngorniaraanni, pingaartitanik, malittarisassanik inatsisinillu maleruagassaqarpoq. Wildfood-imi uku pingaartippagut:

 

  1. Atuisunut sullissilluarneq.
  2. Eqqiluitsuuneq.
  3. Piujuartitsineq.

 

Wildfood-timi naatsorsuutigaarput tuniniaasutut (aalisartoq / piniartoq) uku malissagitit:

  1. Wildfood-ip pingaartitai angorusutaalu isumaqatigissagitit.

  2. Kalaallit Nunaanni aalisarnermut piniarnermullu inatsisit atuuttut. Malugiuk assigiinngitsunik inatsiseqarpoq, inuussutissarsiutigalugu aalisartunut/piniartunut taavalu sunngiffimminni aalisartunut/piniartunut.

  3. Piviusoq imaassaaq, illit tuniniaasutut, nunatta pissarititaanik atuisumut tuniniaasuuvutit. Taamaattumik illit tuniniaasutut akisussaaffigaat nunatta pissaritai tuniniakkatit eqqiluisaartumik suliarinissai, tunisassatit atuisussamut apuunnissai aammalu pitsaasumik sullissinissat. Taanna pisinnaavoq, atuisorlu sumiiffissaq piffissarlu isumaqatigiissutigalugu, imaluunnit illit tuniniaasutut atuisup matuanut apuussillutit.

  4. Akiliinerit Mobilepay, bankikkut nuutsitsinerit kontantillu aqqutigalugit ingerlassapput. Illit tuniniaasutut namminerluinnaq Mobilepay-kkut normoqalissaatit, atuisut akiliiffigisinnaasaannut. Wildfood-imit ilinnut aningaasat nuutsinneqartassapput, sapaatip akunneranut ataasiaq. Taamaattumik ingerlaannaq aningaasat nuunneq ajorput.

  5. Wildfood-ikkut tunisaqarneq ingerlappat, isertitani Wildfood 20% pissavaa, illillu tuniniaasutut isertitani 80% pissavatit. Illit tuniniaasutut pajussiguit pajussinerup isertitaanit 100% pissavat (70kr pajussineq ataaseq), nammineerlutit atuisup toqqagaanut apuussimagukkit.

  6. Tuniniaasup akiitsuutit aamma akileraarutit nammineq akisussaaffigaat.

  7. Illit Tuniniaasutut akuersissaatit Wildfood-timut nassiussallugit aalisarnermut aamma piniarnermut uppernarsaatit.

  8. Wildfood pisinnaatitaaffigivaa Tuniniaasutut profilit ingerlaannaq unitsinnissaa, malittarisassatsinnik imlt. inatsisinik kusananngitsumik/sakkortuumik unioqqutitsisimaguit.